በዘመን የማትፈርስ በጊዜ ማትጠፋ
ጥበብ ሲሉኽ ማትጠብ ሲሉ እማትሰፋ
በህያው ሰማይ ላይ ጸንተህ የምትቆም
እኩል የሚገለጽ ብርሀንህ ላለም
ነህ ወይ ተወርዋሪ ነህ ወይ ያጥቢያ ኮከብ
የማታከራክር በሰማያት ክበብ
ንገረኝ በሞቴ ምንድነህ አነንተ ሰው
ላንድ ቀን ቢሆንም ቀኔን አታምሰው፡፡
ከሰሜን ከደቡብ ከምስራቅ ወይ ምራብ
ሊያይኽ ለሚፈልግ ማንህን ለሚራብ
እኩል ትታያለህ እንደኮከብ ሁሉ?
ወይስ መርጦ አቅጣጫ ይታያል ይበራል
የብርሀን ጸዳሉ?
የብርሀን ጸዳሉ?
በጊዜ በጩኽት በስሜት በረብሻ
በኮከብ ናፋቂ በሰዎች ጥቅሻ
ኮከብ እንድትመስል የተሰራኅ ብርሀን
ከቀናት በኋላ ጮራኅ ሚኮሰምን
ኮከብ ነኽ ወይ ሌላ አርቴፊሻል ነገር?
እውነትህን ግለጥ ሰው አታደናግር
ትሆን ወይ ርችት የበአል መድመቂያ
ከቀናት አንዱን ቀን በተለይ ማሞቂያ
ሰው እንደወደደው ቀለሙን ቀብቶ
በተኳሹ መሻት በተኳሹ ብልሐት
ሽቅብ ከላይ ወጥቶ
ሽቅብ ከላይ ወጥቶ
ሲፈልግ ነጭ ኮከብ ሲፈልግ ዘንባባ
ሆኖ እንደሚታይ ወጥቶ እንደሚገባ
ትሆን ሆይ ሺህ ቀለም ግራጫ ቀይ ጥቁር
ሰማያዊ ደማቅ አረንጓዴ ነገር
ሐምራዊ
ብርቱካን ቢጫ ወርቀ ዘቦ
ሰው አፉን ከፈተ ማንህን ተርቦ
ምንድነህ ተጠየቅ ማነህ ማን እንበልህ
እዩኝ የምትለን ካናት በላይ ወተህ
በሆታ ጫጫታ የነገስክ ከሰማይ
አንተ ብርሓንማ ኮኮቦችን መሳይ
ፊናህን ለይልን ታሪክህ ይተርተር
ኮኮብ ነህ እርችት ያ ዶሴህ ይበጠር
በጊዜ ምጣድ ላይ በስለህ እስክትመጣ
ከኮኮብ ከርችት አይኖርህም ዕጣ
27/12/2004
ምንም አስተያየቶች የሉም:
አስተያየት ይለጥፉ